Manji condamnée pour avoir fraudé des organisations inuites

ᐃᖅᑲᕐᑐᐃᕕᒻᒧᑦ ᒪᓕᒐᓕᐅᖅᑕᐅᓂᖓᑦ ᒪᐊᓐᔨ ᖃᓄᐃᓕᐅᓂᕐᓗᖅᑕᒥᓂᖓᓄᑦ ᐱᔾᔪᑎᒋᓪᓗᒍ ᑖᒃᑯᓄᖓ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ

ᐃᖃᓗᐃᑦ (ᓄᓇᕗᑦ) − ᔫᓂ 27, 2024 – ᐅᓪᓗᒥ, ᓄᓇᕗᒻᒥ ᐃᖅᑲᖅᑐᐃᕕᒃᑯᑦ, ᑭᐅᕆᒪ ᒫᓐᔨ ᐃᖅᑲᖅᑐᖅᑕᐅᓪᓗᓂ ᓱᕋᐃᓂᕐᒧᑦ ᓄᓇᕗᑦ ᑐᙵᕕᒃᑯᓐᓂ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ (QIA) ᐊᒻᒪ ᑲᑭᕙᒃᑯᑦ ᑲᑐᔾᔨᖃᑎᒌᖏᓐᓂᑦ ᓱᓕᙱᖦᖢᑎᒃ ᓄᓇᕗᒻᒥᐅᖑᓂᕋᓚᐅᕐᒪᑎᒃ ᐃᓅᓂᕋᖅᓱᒋᑦ ᒪᕐᕉᖅ ᐸᓃᖏᑦ, ᐱᓪᓗᓂ ᐃᓕᓐᓂᐊᕐᓂᕐᒧᑦ ᐊᐃᑦᑑᑎᓂᒃ ᓴᓂᕐᕙᒃᑕᐅᓯᒪᔪᓂᒃ ᐃᓄᖕᓄᑦ ᐃᓕᓐᓂᐊᖅᑎᓄᑦ. ᒥᔅ ᒫᓐᔨ ᐃᖅᑲᖅᑐᖅᑕᐅᔾᔪᑎᒥᓂᒃ ᐱᑎᑕᐅᓚᐅᖅᐳᖅ 36 ᑕᖅᑮᑦ ᐊᓄᓪᓚᒃᓰᕕᖕᒦᓪᓗᑎᒃ. ᐅᖃᐅᔾᔭᐅᓚᐅᖅᑐᖅ  ᑮᓇᐅᔭᑦ $28,000ᓂᒃ ᐊᑭᓖᖁᔭᐅᓪᓗᓂ.  ᑖᒃᑯᐊ  ᐊᑭᓕᖅᑕᐅᖁᔭᐃᑦ  ᖃᑦᓰᓐᓇᐅᓈᖅᑎᑕᐅᓯᒪᔪᑦ ᑕᕝᕙᙵᑦ  ᐃᓗᐃᑦᑐᒦᙶᕐᑐᑦ $158, 254.05, ᓱᓕ  ᐊᑭᓕᒻ ᒪ ᐃᑦ ᑐᖏᑦ  ᒫᓐᔨᐅᑉ  ᑕᕝᕗᖓᑦ  ᐃᖅᑲᓇᐃᔭᕐᕕᒻᒥᒃ  ᑲᑭᕙᒃ ᑲᑐᔾᔨᖃᑎᖏᓐᓄᑦ.

ᒥᔅ ᒫᓐᔨ ᐸᓯᔭᒃᓴᐅᓂᕋᓚᐅᖅᑐᖅ ᕕᕗᐊᕆ 2024−ᒥ ᐊᑕᐅᓯᕐᒧᑦ ᓈᓴᖅᑕᐅᓪᓗᓂ ᐱᕋᔭᒍᑕᐅᔪᖅ $5000 ᐅᖓᑖᓂ. ᐊᖏᕈᑕᐅᓯᒪᔪᒥ ᐅᖃᐅᓯᐅᔪᒥ ᐃᖅᑲᖅᑐᐃᕕᖕᒧᐊᖅᑕᐅᔪᓂ, ᒥᔅ ᒫᓐᔨ ᐅᖃᖅᖢᓂ ᐸᓂᖏᑦ ᖃᐅᔨᒪᙱᓐᓂᕋᖅᖢᑎᒃ ᐱᓚᐅᕐᓂᕐᒥᓂᒃ ᓄᓇᕗᑦ ᑐᙵᕕᒃᑯᑦ ᐃᓚᐅᓂᕐᒧᑦ ᐊᐅᒃᑕᔫᖏᓐᓂᒃ ᐱᕋᔭᒍᑕᐅᔪᓂᒃ. ᐃᑲᔪᖅᑕᐅᒐᓗᐊᖅᑐᑎᒃ ᓴᓂᕐᕙᖅᑕᐅᓯᒪᒐᔭᖅᑐᑎᒃ ᐃᓄᓐᓄᑦ, ᓱᓕᔪᑦ ᓴᖅᑮᕗᑦ ᐸᓂᖏᑦ ᓴᒡᓗᓪᓗᑎᒃ ᐱᓂᐊᕐᓂᕋᕋᑎᒃ. PPSC−ᑯᑦ ᐊᒥᖅᓯᓚᐅᖅᑐᑦ ᐸᓯᔭᒃᓴᓕᐊᖑᔾᔪᑎᓂᒃ ᕕᕗᐊᕆ 2024−ᒥ.

ᔮᔾᔨ  ᑑᓪ Hᐊᐃ,  ᑐᑭᓕᐅᕆᔨ ᐸᓯᔭᑦᓴᓕᐅᖅᑎᓄᑦ  ᐅᖃᕋᑦᓴᖃᓚᐅᕐᑐᖅ  ᐃᒫᒃ:  “ᐃᓱᒪᓕᐅᕇᖅᓯᒪᕗᑦ  ᐸᓯᔭᑦᓴᓕᐅᖅᑎᑦ ᑭᒡᒐᕐᑐᐃᔨᖓᑦ  ᐱᖁᔭᓕᐅᕐᓗᒍ  ᑖᓐᓇ  ᒫᓐᔨ  ᐊᑭᓖᖁᔭᐅᓪᓗᓂ  ᑎᓪᓕᑦᑕᒥᓂᖏᓐᓂᒃ  ᑕᕝᕙᙵᑦ  ᐃᓄᐃᑦ ᐃᓕᓐᓂᐊᕐᑎᖏᑕ  ᑮᓇᐅᔭᑦᓴᖁᑎᖏᓐᓂᒃ.  ᓱᓕᔪᒃᑯᑦ   ᑐᑭᒧᐊᑦᓯᐊᕋᓱᐊᕐᓗᒍ  ᐊᖏᖃᑎᒌᓐᓂᕐᒧᑦ.   ᐸᓯᔭᑦᓴᓕᐅᖅᑕᐅᓗᓂ ᒪᓕᒐᓕᐅᓂᖓᑦ  ᓄᓇᕗᑦ ᐃᖅᑲᕐᑐᐃᕕᖓᑦ  ᓴᐳᔾᔨᒋᐊᖃᖅᑯᑦ  ᐃᓄᐃᑦ  ᐱᖅᑯᓯᖏᓐᓂᒃ  ᐋᓐᓂᓇᕈᑕᐅᒍᓐᓇᕐᑐᒃᑯᑦ ᐊᑑᑎᖃᙱᓪᓗᓂ  ᐃᖅᑲᕐᑐᕋᑦᓴᐅᔪᒧᑦ,  ᐅᑎᕐᑎᑕᐅᒋᐊᖃᕐᓂᖓᑦ  ᐃᓄᐃᑦ  ᐃᓕᓐᓂᐊᕐᑎᐅ   ᑮᓇᐅᔭᑦᓴᖏᑦ  ᐊᒻᒪᓗ ᑮᓇᐅᔭᑦ  ᑎᓪᓕᑦᑕᐅᓂᒥᓂᖓᑦ  ᒪᖓᑦᓯᒍᑕᐅᓂᒥᓂᕐᒧᑦ  ᐃᓅᓂᕋᖅᑐᒥᓂᕐᒧᑦ.    ᑖᑦᓱᒪ  ᑎᒍᔭᐅᓂᖓᑦ  ᖃᐅᔨᒃᑲᒍᑕᐅᓗᓂ  ᑭᓇᑐᐃᓐᓇᖅ  ᑎᓪᓕᒐᓱᐊᓕᕐᓂᖅᖃᑦ  ᐃᓱᒪᒍᑕᐅᒃᑲᓐᓂᕈᓐᓇᖅᑐᖅ.

ᐱᓕᑉ ᑉᓘᑦ, ᑲᓇᑕᒥ ᐃᖅᑲᖅᑐᖅᑕᐅᑎᑦᑎᔨᒻᒪᕆᒃ ᓄᓇᕗᒻᒥ ᐃᒪᓐᓇ ᐅᖃᕈᓐᓇᖅᓯᓚᐅᖅᐳᖅ: "ᑲᒪᒋᔭᒃᓴᖃᖅᑐᐃᓐᓇᐅᕗᒍᑦ ᑕᒪᓐᓇ ᐱᕋᔭᒍᑕᐅᔪᖅ ᐅᖃᐅᓯᐅᑦᑎᐊᖃᑦᑕᖁᓪᓗᒍ ᐊᒻᒪ ᓱᐊᒃᑕᐅᑦᑎᐊᕐᓗᓂ. ᑕᒪᓐᓇ ᐊᑐᓚᐅᖅᓯᒪᔾᔮᖏᑕᕗᑦ ᐊᒻᒪᓗ ᐊᑭᕋᖅᑐᕐᓗᒍ. PPSC−ᑯᑦ ᐱᔭᒃᓴᖃᑦᑎᐊᖅᑐᓕᕆᔨᑦ ᐊᖏᖅᓯᒪᕗᑦ ᐱᔨᑦᑎᕈᒪᑎᓪᓗᒋᑦ ᓄᓇᓕᖕᓂᑦ ᓇᓗᓇᐃᖅᓯᓂᒃᑯᑦ ᑮᓇᐅᔭᑦ ᐱᔭᐅᔪᑦ ᓴᒡᓗᓪᓗᑎᒃ ᒥᔅ ᒫᓐᔨᒧᑦ ᐅᑎᖅᑎᑕᐅᓗᑎᒃ ᑕᒪᒃᑭᕐᓗᒋᑦ. ᑖᒃᑯᐊ ᑮᓇᐅᔭᐃᑦ ᐱᒋᔭᐅᒻᒪᑕ ᐃᓄᓐᓄᑦ ᓄᓇᕗᒻᒥ ᐊᒻᒪᓗ ᖁᕕᐊᓱᑉᐳᒍᑦ ᐊᑐᖅᑕᐅᓂᐊᓕᕐᒪᑦ ᑲᑭᕙᒃᑯᓐᓄᑦ ᓴᖅᑮᓗᑎᒃ ᐱᕕᒃᓴᐅᔪᓂᒃ ᐃᓄᓐᓄᑦ ᐃᓕᓐᓂᐊᖅᑎᓄᑦ ᐊᒻᒪᓗ ᓴᓐᖏᓕᖅᐹᓪᓕᑎᑦᑎᒍᑕᐅᓗᓂ ᓄᓇᓕᓐᓂ ᐱᕙᓪᓕᐊᖁᓪᓗᒋᑦ."

ᑭᒃᑯᑐᐃᓐᓇᕐᓄᑦ ᐃᖅᑲᖅᑐᖅᑕᐅᑎᑦᑎᔩᑦ ᑲᓇᑕᒥ (PPSC) ᑲᒪᒋᔭᖃᖅᑐᑦ ᐱᕋᔭᓐᓂᕐᒧᑦ ᐃᖅᑲᖅᑐᖅᑕᐅᔪᓂᑦ ᓄᓇᕗᒻᒥ, ᐊᖏᖅᓯᒪᓂᖃᖅᓱᑎᓪᓗ ᓴᐳᔾᔨᓂᕐᒥᑦ ᐊᑦᑕᕐᓇᖅᑕᐃᓕᒪᓂᕐᒥᑦ ᓄᓇᕗᒻᒥᐅᓕᒫᓂᑦ. ᐱᕋᔭᒃᑕᐅᓯᒪᔪᑦ ᑲᑐᔾᔨᖃᑎᒌᑦ ᓲᕐᓗ ᓄᓇᕗᑦ ᑐᙵᕕᒃᑯᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪ ᑲᑭᕙᒃᑯᑦ, ᐱᓕᕆᓲᑦ ᓄᓇᕗᒻᒥ ᐃᓄᖕᓄᑦ, ᐊᒃᑐᐃᕐᔪᐊᖅᓯᒪᔪᑦ. PPSC−ᑯᑦ ᐊᖏᖅᓯᒪᕗᑦ ᐃᓄᐃᑦ ᓇᖕᒥᓂᖅ ᑭᒡᒐᖅᑐᕈᒪᔭᖏᓐᓂᒃ ᐊᒻᒪ ᐊᖏᖅᓯᒪᓪᓗᑎᒃ ᐋᖅᑭᒋᐊᕈᑎᓂᒃ ᒐᕙᒪᑐᖃᒃᑯᓐᓄᑦ ᐊᒻᒪ ᐃᓄᖕᓄᑦ ᓄᓇᕗᒻᒥ ᐊᒻᒪ ᐃᓕᓴᖅᓯᓪᓗᑎᒃ ᑕᐃᔅᓱᒪᓂᓂᓴᕐᓂᒃ ᐊᒻᒪ ᑲᔪᓰᓐᓇᖅᑐᓂᒃ ᓴᐳᔾᔨᓇᓱᙱᖦᖢᑎᒃ ᐃᓅᓯᖏᓐᓂᒃ, ᐱᒻᒪᕆᐅᒋᔭᖏᓐᓂᒃ, ᐊᒻᒪ ᐃᓕᖅᑯᓯᖏᓐᓂᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑲᓇᑕᒥ.

– 30 –

ᑐᑭᓯᒋᐊᒃᑲᓐᓂᕕᑦᓴᖅ :

ᑐᓴᐅᒪᔾᔪᑎᓕᕆᔨᑦ
613-954-7803
media@ppsc-sppc.gc.ca
www.ppsc-sppc.gc.ca

Date de modification :